Guddoomiyaha gobolka Banaadir ahna duqa magaalada Muqdisho Mudane Yuusuf Xuseen Jimcaale (Madaale), ayaa kulan isla xisaabtan iyo wacyigelin la qaatay agaasimeyaasha iyo howlwadeennada waaxyaha dakhliyadda kala duwan ee dowladda Hoose ee Xamar.
Agaasimaha Diinta iyo Awqaafta maamulka gobolka Banaadir Sheekh Cabdullaahi Garuun iyo Sheekh Cali-nuur Xoogsade oo kulanka ka hadlay ayaa diirada saaray qiimaha diinteena Islaamka ay siisay maalka, dhowrista hantida, amaannada iyo xaaraantimeynta rashwada.
Guddoomiye Madaale ayaa sheegay in la dagaalanka musuqa iyo dokumentiyada been abuurka uu sababay in kor loo qaado miisaaniyadda dowladda Hoose, isla markaana lagu guuleystay in la dhowro xuquuqda shaqaalaha, waxa uuna ugu mahadceliyay howlwadeenada waaxyaha dhakhliyada sida ay ugu qeyb qaateen kobaca dhaqaalada Dowladda Hoose ee Xamar.
Ugu danbeyn duqa Muqdisho ayaa kula dardaarmay howlwadeenada waaxyaha dakhliyadda kala duwan in ay ku dadaalaan amaanada iyo ilaalinta hantida ummadda, asigoona ka digay in lagu xadgudubo dhakhaalaha laga soo qaado shacabka.
Xafiiska Shabakada Allbanaadir.com
Muqdisho Somalia
Allbanaadir@live.com
