Guddoomiyaha Aqalka Sare ee Baarlamaanka Jamhuuriyadda Federaalka Soomaaliya Mudane Cabdi Xaashi Cabdullaahi iyo wafdigiisa ku sugan Dalka Imaaraatka Carabta ayaa booqasho ku tagay Masaajidka Sheekh Saa’id Aal Nahyaan
Masjidkan ayaa la sheegay inuu yahay masaajidka 3aad ee ugu wayn adduunka marka laga reebo labada Xaramayn ee Makkah Al Mukarramah iyo Madiina Al-Munawarah.
Guddoomiyaha iyo wafdigiisa oo uu soo dhaweeyay maamulaha Masaajidka wuxuu soo arkay qaybaha kala duwan ee masaajidka, iyadoo looga warbixiyay farsamada iyo hannaanka micmaari ee loo dhisay masaajidkan.
Guddoomiyaha Aqalka Sare ee Baarlamaanka Jamhuuriyadda Federaalka Soomaaliya Mudane Cabdi Xaashi Cabdullaahi iyo wafdi uu hoggaaminayo ayaa safar shaqo ku jooga magaalada Dubai ee caasimadda dalka isutagga Imaaradka Carabta.
Guddoomiye Cabdi Xaashi ayaa casuumad ka helay dhiggiisa Guddoomiyaha Golaha Midnimada Qaran ee Dowladda isu-tagga Imaaraatka carabta, iyagoo ka wada hadlaya xoojinta iyo iskaashiga xiriirka labada Baarlamaan, gaar ahaan dhinacyada qibrad wadaagga, waayo- aragnimadaiyo horumarinta.
