Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa kormeeray Terminalka Garoonka magaalada Baydhabo oo la keenay qalab casri ah, kaas oo la filayo in uu gacan ka geysto hagaajinta adeega duulista hawada ee magaalada iyo Koonfur Galbeed guud ahaan.
Intii uu kormeerka ku guda jiray, Ra’iisul Wasaaraha Xukuumadda Soomaaliya ayaa warbixin ka dhageystay mas’uuliyiinta garoonka, kuwaas oo uga warbixiyay horumarada laga sameeyay qeybta duulimaadyada iyo adeegyada casriga ah.
Qalabka cusub ee la keenay garoonka diyaaradaha ee kuyaalla magaalada Baydhabo ayaa ah mid kaalin weyn ka qaadan doona fududeynta safarrada, kordhinta amniga, iyo horumarinta adeegyada macaamiisha ee garoonka.
Ra’isul Wasaaraha Soomaaliya , ayaana kormeerka garoonka kaddib isaga iyo wafdigii la socday waxa ay dib ugu soo laabteen magaalada Muqdisho, waxaana la filayaa Xamse Barre la kulmo Madaxweynaha ugana warbixiyo natiijada kulamadii uu lasoo qaatay Laftagareen.
Xafiiska Shabakada Allbanaadir.com
Muqdisho Somalia
Allbanaadir@live.com
