RW Soomaaliya Xamse Barre ayaa maanta sheegay in ay Itoobiya doonayso labo jid midkood in ay xoog ku qaadato Badda Soomaaliya ama in loo hirgaliyo damacoodii MOU-ga ay la galeen Somaliland.
Xamse ayaa si xoogan u dhaliilay odayaal iyo Siyaasiin uu sheegay inay bulshada iska horkeenayaan, isagoo xusay in dalka la difaaco inay waajibka 1-aad tahay.
“Itoobiya waxay rabtaa in sidii ay u saxiixatay MOU-ga loogu daayo ama ay xoog ku qaadato, taas wax aan ahayn ma jirto Itoobiyana halkaas ayay taagan tahay” ayuu yiri RW Soomaaliya.
Madaxweyne Xassan Shiikh ayaa maalmo ka hor sheegay inaysan Itoobiya dal madax banaan u aqoonsaneyn Soomaaliya, maadaama ay ku xad gudubtay midnimada dhuleed ee Somalia.
17-ka bishan Septembar ayay Soomaaliya mar kale Turkiga u tagaysaa la kulanka Itoobiya, iyadoo Badda dalkeena laga hadlayo.
