Ciidamada milatariga Israa’iil ayaa wali wada xasuuqa ay ka geesanayaan magaalada Gaza ee dhulka Falastiin, waxa ayna halkaasi ku dilayaan dad shacab ah oon waxba galabsan, mana jiro ilaa hadda cid wax ka qabaneysa tacadiga Israa’iil geesaneyso.
Warbaahinta waa weyn ee reer Galbeedka ayaa shaaciyay in Daanta Galbeed ee dhulka la heysto ee Falastiiin in ciidamada Israa’iil ay dileen haweeneey Mareykan ah oo ka mid aheyd dadka u dhaq-dhaqaaqo xorriyadda Falastin.
Afhayeenka Waaxda Arrimaha Dibadda ee dalka Mareykanka Matthew Miller ayaa xaqiijiyay, dhimashada Ayshenur Ezgi Eygioo Mareykanka aheyd. Aqalka Cad ayaa war kasoo baxay lagu sheegay in dilka Ayshenur ay aad uga xunyihiin ayna cambaareenayaan.
Haweeneydan la dilay ayaa sidoo kale aheyd muwaadin asal ahaan kasoo jeeday dalka Turkish ah, sida uu xaqiijiyay afhayeen u hadlay Wasaaradda Arrimaha Dibadda Turkiga oo warbaahinta wqaar kamid ah la hadlay.
Dad badan oon waxna galabsan ayey dileen ciidamada maamulka Israa’iil, waxaana xasuuqa ay milatariga Yahuuda wadaan sheeda ka daawanaya waddamada carbeed iyo sidoo kale waddamada reer galbeedka ee taageersan Isra’il.
Xafiiska Shabakada Allbanaadir.com
Muqdisho Somalia
Allbanaadir@live.com
