Booliska Uganda ayaa saaka xiray dhowr waddo oo muhiim ah oo soo gala xarunta baarlamaanka dalkaas
Waxay ka jawaabayeen dhacdooyinkii cajiibka ahaa ee shalay oo koox haween ah ay iyagoo qaawan u galeen baarlamaanka, waxayna ka mudaaharaadayeen eedeymaha musuqmaasuqa ee joogtada ah oo ay ku lug leeyihiin xubno ka tirsan golaha sharci dejinta.
Haweenkan ayaa waxay ka dalbadeen Guddoomiyaha Baarlamaanka in uu si deg deg ah u iscasilo, iyagoo ku sababeeyay inuu wax ka qaban waayay musuq-maasuqa baahsan ee muddooyinkii dambe soo shaac baxay.
Dhinaca kale, Madaxweynaha Midnimada Qaran (NUP), Mr Robert Kyagulanyi, oo loo yaqaanno Bobi Wine ayaa ku dhaawacmay gacan ka hadal uu la galay ciidamada ammaanka magaalada Bulindo, ee degmada Wakiso.
Saraakiisha booliiska ee goobta ku sugnaa ayaa ku andacoonaya inuu (Bobi Wine) ku turunturoodey markii uu fuulay gaarigiisa, taasoo sababtay dhaawaca, halka Bobi Wine iyo kooxdiisu ay sheegeen in la toogtay.
