Israa’iil ayaa sheegtay inay u arkayaan Khalid Mashal oo ka mid ah hoggaanka sare ee Xamaas khatar weyn oo ku soo socota iyadoo Wasiirka Arrimaha dibadda Israa’iil uu maanta sheegay inay goob kasta ku beegsan doonaan
Israel ayaa ka carootay markii uu Mashcal ku baaqay weerarro ismiidaamin ah inay Falastiiniyiinta la beegsadaan ciidanka Israa’iil gudaha Israa’iil iyo hantidooda.
Wasiirka Arrimaha dibadda Israa’iil, Yisrael Katz waxaa kalo uu ku celceliyay si dhaqso ah inay u fulin doonaan isku daygooda dilka Mashcal kaasoo hadda ku sugan Turkiga.
Xamaas ayaa horey fatwa ku joojisay in weerarro ismiidaamin ah la fuliyo, hadda Mashal ayaa dib usoo celiyay oo hadal uu baahiyay ku baaqay inay Falastiiniyiinta dhulka la heysto ka fuliyaan weerarro ismiidaamin ah.
Cadaadiska ayaa hadda sare maray Falastiiniyiinta, iyadoo si aan kal sooc lahayn ay Israa’iil ugu beegsanayso Qasa illaa Daanta Galbeed ee la heysto, ficilada xun ee ciidanka gumeystaha ayaa sidoo kale kor u qaaday carada Falastiiniyiinta
Waxaa loo arkaa Falastiiniyiinta haddii ay dib u soo celiyaan weerarrada is qarxinta ah inay dhinaca kale u rogi karto dagaalka 11ka bilood socda.
