Kooxda arxanka daran ee Al Shabaab ayaa saakay qarxisay suuq kuyaalla xaafada Tabeelaha Sheekh Ibraahim ee degmada Garasbaaley, waxaana qaraxyada kaddib dab xooggan qabsaday suuq yar oo ku yaallay xaafadaasi.
Sida aan wararka ku helnay labo qarax oo xooggan ayaa saakay laga maqlay xaafada Tabeelaha Sheekh Ibraahim ee magaalada Muqdisho, waxaana qaraxyada kaddib dab xooggan ka kacay qeybo kamid ah suuqa halkaas ku yaallay, kaa oo waxyeelo xooggan ay soo gaartay.
Dadka deegaanka oo sameeyay gurmadyo xooggan ayey ku adkaatay in ay deg deg u damiyaan dabka qabsaday suuqa ku yaallay Tabeelaha Sheekh Ibraahim, waxaana wararku sheegayaan inta badan suuqii halkaasi ku yaallay uu bas beelay.
Kooxda Al Shabaab ayaa la sheegay in suuqaasi u qarxiyeen una gubeen kaddib markii laamaha amniga ku amreen in lagu xiro dukaamada halkaasi ku yaalla kaamirada qarsoon ee CCTV, fullimta amarka dowladda ayaana keenay in saakay loo beegsado loona baabi’iyo hantidooda ganacsatdii suuqa Tabeelaha.
Habeenno kahor ayey sidaan oo kale Al Shabaab u qartxiyeen una gubeen qeybo kamid ah suuqa deegaanka Ceelasha Biyaha, kaddib markii iyana fuliyeen amarkii dowladda ee ahaa in ay xirtaan kaamirooyinka qarsoon ee CCTV.
Xafiiska Shabakada Allbanaadir.com
Muqdisho Somalia
Allbanaadir@live.com
