Masar ayaa lagu warramayaa inay bilowday qorshaha ay ku diyaarinayso ku dhawaad 5 kun oo askari oo la filayo bilowga sannadka cusub inay soo gaaraan Soomaaliya
Waxay qeyb ka noqonayaan howlgalka cusub ee nabad ilaalinta Midowga Afrika ee AUSSOM
Labo sarkaal oo ka tirsan Wasaaradda Difaaca Soomaaliya ayaa ii sheegay ciidanka Masar inay noqon karaan kuwa ku hubaysan gaadiidka dagaalka, diyaaraddo iyo agab militari oo qeyb ka mid ah ay howlgallo wadajir ku wada fulin karaan ciidanka xoogga Soomaaliya
Dawladda Soomaaliya ayaa sidoo kale filaysa in Sacuudiga oo taageerraya qorshaha Masar ay tiro badan oo ciidan ah ku geynayso Soomaaliya, inuu dhaqangeliyo heshiis difaac iyo taageerro miisaaniyadeed oo u dhaxeeya Riyadh iyo Muqdisho, sida ay saraakiishu sheegeen.
