Dawladda Afgaanistaan ee ay hoggaamiyaan ururka Taliban ayaa shaqada ka saartay 280 xubnood oo ka tirsan Booliiska iyo hay’adaha amniga
Waxaa lagu eedeeyey ku guul-darreysteen inay la baxaan garka, sida ay sheegtay wakaaladda wararka ee Reuters oo xiganaysa warbixin ka soo baxday Wasaaradda ka-hortagga xumaanta iyo faafinta wanaagga ee Afgaanistaan.
Isla hay’adan ayaa toddobaadkii hore soo saartay amar faraya xarumaha ganacsiga iyo dadka qaan-gaarka ah inaysan furnaan karin oo aysan bannaanada joogi karin xilliga salaadda
Waxaa la faray inay ku tukadaan masaajidda si ay jameecada qeyb uga noqdaan. iyadoo go’aamadan dhamaman ay soo dhaweyn ka heleen dadweynaha Afgaanistaan, maadaama ay la xiriiraan shareecada Islaamka.
