Muran xoogan ayaa ka dhashay da’da rasmiga ah ee lagu guursan karo gabdhaha u dhashay dalka Turkiga, kadib markii hay’ada Awqaafta iyo Arrimaha diinta ee dalka Turkiga ay sheegtay in gabdhaha lagu guursan karo 9-sano jir sida uu qabo sharciga islaamka.
Hadalkan kasoo yeeray hay’ada Awqaafta iyo Arrimaha diinta ee dalka Turkiga ayaa waxaa ka dhashay muran xoogan waxaana si weyn uga soo horjeestay ururo u dooda xaquuqda haweenka.
Hay’ada Awqaafta iyo Arrimaha diinta ee dalka Turkiga ayaa dhankooda iska fogeeyay eedeynta loo soo jeedinayo, waxa ayna Ha’adu sheegtay kaliya in ay sheegtay kaliya da’da sharciga ah ee gabdhaha lagu guursan karo balse aysan jideyn.
Sharciga dalka Turkiga ayaa dhigaya in haddii ay gabadhu gaarto 17 sano ay guursan karto balse uu guurkaasi dhacayo oo kali ah marka ay waalidiinta aqbalaan, waxaa sidoo kale maxkamadaha fasixi karaan in gabadha lagu guursado 16-sano.
Xafiiska Shabakada Allbanaadir.com
Muqdisho Somalia
Allbanaadir@live.com
