Shil gaari oo dhaliyay khasaaro isugu jira dhimasho iyo dhaawac, ayaa ka dhacay inta u dhaxeysa deegaannada Xagar Buul iyo Sareedo, oo ku yaal waddada isku xirta magaalada Gaarisa iyo xerada qaxootiga Dhadhaab ee dalka Kenya.
Gaari yar oo nuuca raaxada ah gaar ahaan nuuca loo yaqaan Probox iyo gaari weyn oo bas ah ayaa isku dhacay, waxaana la sheegay in shilkan sababay kaddib markii mid kamid ah labadaasi gaari damcay in uu dhinac maro gaariga kale.
Inta la xaqiijiyay shilka waxaa ku dhintay saddex qof oo labo kamid ah yihiin isku qoys, waxaana la sheegay in labada qof ee isku qoyska ah yihiin hooyo iyo gabadheeda, waxaa sidoo kale shilka ku dhaawacmay ayeeyada hooyada geeriyootay iyo darawalkii gaariga waday.
Dad badan ayaana aad uga naxay shilkan dhimashada iyo dhaawac kasoo gaaray dadka u badnaa halka qoys ee gaariga u kireesnaa, waxaana meydadka dadka dhintay iyo kuwa dhaawacmay qaarkood la geeyay xerada qaxootiga ee Dhadhaba iyo sidoo kale magaalada Gaarisa.
Xafiiska Shabakada Allbanaadir.com
Muqdisho Somalia
Allbanaadir@live.com
