Wasiirka Arrimaha Dibadda Soomaaliya Axmed Macalin Fiqi ayaa dhaleeceeyay hadal uu bartiisa Twitterka ku soo qoray Safiirka UK u fadhiya Soomaaliya, Mike Nithavrianakis kaasoo ka dhan ah midnimada Somalia.
Safiirka ayaa qabilay madaxa hay’ad arrimaha bani’aadanimada ka shaqeysa isagoo ku amaanay howlgalkeeda ku aadan Soomaaliya iyo Somaliland
Fiqi ayaa hadalka safiirka ku sifeeyey kala qeybin dal midaysan
“Waa Wax aan sinaba loo aqbali karin, oo ka dhigan weerar bareer ah oo lagu hayo qaranimada iyo midnimada Soomaaliya.” ayuu yiri Wasiirka oo daba socday hadalka Safiirka
Somaliland ayaa sheegata iney ka go’day Somalia inteeda kale ayna tahay dal madax banaan hase ahaatee ma jiro dal ka tirsan caalamka oo illaa hadda aqoonsaday, waxaana u diiwan gashan iney qeyb ka tahay Somalia.
