Ciidanka xoogga dalka Soomaaliyeed gaar ahaan guutada 9-aad qeybta 60-aad, ayaa maanta howlgallo qorsheysan ka fuliyay deegaano dhaca waqooyiga Magaalada Xudur ee xarunta gobolka Bakool, halkaas ay joogeen xubno katirsan kooxda Al Shabaab.
Howlgalkan ciidamada fuliyeen ayaa u jeedkiisu ahaa baacsiga maleeshiyaad ka tirsan Al Shabaab oo ku sugnaa duleedka magaalada Xudur, halkaas ay jidgooyo u dhginayeen dadka iyo gaadiidka magaalada soo galaya.
Saraakiisha ciidanka hoggaamineysay ayaa sheegay in ciidamada ku guuleesteen in ay qaadaan jid-gooyo ay kooxda Al Shabaab ka sameysteen waddada xariirisa deegaanka Qurac-joome iyo magaalada Xudur ee gobolka Bakool.
Howlgalkan ciidanka xoogga dalka Soomaaliya fuliyeen ayaa waxaa hogaaminayey abaanduulaha guutada 9-aad qeybta 60-aad dhamme Cilmi Aadan Isaaq, waxa ayna ciidamada cagta mariyeen goobihii ay joogeen maleesgiyaadka Al Shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
