Madaxweynihii hore ee Mareykanka, Donald Trump ayaa telefoon kula hadlay Ra’iisul wasaaraha Israa’iil, Netanyahu isagoo u sheegay in la joogo waqtigii uu aqbali lahaa heshiis xabbad-joojin ah oo laga gaaro dagaalka Qasa
Trump ayaa u sheegay Netanyahu inuu ansixiyo soo jeedinta ka soo bixi karta wada-hadallada Dooxa uga furmaya wafuudda Qatar, Masar, Mareykanka iyo Israa’iil si loo gaaro heshiis horseedaya xabbad-joojin iyo in maxaabiista la sii daayo.
“Waxaan ku dhiirrigaliyay Netanyahu in la soo afjaro dagaalka Qasa… waxaan ku iri guushada si dhaqso ah u qaado— laakin waa in dilka uu joogsadaa.” ayuu yiri Trump
Mareykanka oo ah xulufada ugu weyn Israa’iil, wuxuu hadda arkayaa sii socoshada dagaal inuu dhibaato weyn u horseedayo Israa’iil, xilli Netanyahu uu la kulmayo cadaadis gudaha ah oo uga imaanaya wasiirkiisa difaaca, madaxa sirdoonka iyo saraakiisha militariga.
Dhammaan waxay si cad u sheegeen qorshaha dagaalka iyo fikradaha Netanyahu inay yihiin kuwo guul-darro ah, si la mid ah cadaadiska hanjabadaha Iran iyo Xisbullah ayaa qasbaya heshiis la gaaro si looga baaqsado weerarro ay Israa’iil la kulmi karto.
