Allbanaadir.com
NEWS

Taliyaha ciidanka xoogga dalka oo la kulmay Michael Nithavrianakis (Sawirro)

Taliyaha Ciidanka xoogga dalka Soomaaliya S/Gaas Ibraahim Sheekh Muxudiin, ayaa maanta xarunta taliska ciidanka xoogga dalka kulan kula qaatay safiirka Dowladda ingiriiska u fadhiya Soomaaliya Michael Nithavrianakis.

Taliyaha ciidanka xoogga dalka Soomaaliyeed ayaa safiirka UK ee Soomaaliya kala hadlay qorshaha dhismaha ciidanka xoogga, dib u habeynta xerooyinka ciidanka iyo sare u qaadista taageerada dowladda UK ee dhanka Milateriga.

Danjire Michael Nithavrianakis, ayaa taliyaha ciidanka xoogga dalka u ballanqaaday in dhinacyo badan ka taageeri doonaan ciidanka xoogga, gaar ahaan dhinaca tababarada , saadka iyo horumarinta, waxa uuna ammaanay guulaha ciidanka ka gaarayaan howlgallada ka dhanka ah Al Shabaab.

Dowladad Ingiriiska ayaa kamid ah dowladaha taageerda dib u dhiska ciidanka xoogga Soomaaliya, waxa ayna Ingiriiska gudaha Soomaaliya ku leeyihiin xeryo lagu tababaro ciidanka xoogga dalka iyo kuwa daraawiishta Koonfur Galbeed.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

11 ka tirsan darawalada tagaasida ee dalka Koonfur Afrika oo hal goob lagu laayey

Caydiid Ali

Rooble oo digniin ka soo saaray boobka lagu bilaabay doorashada Golaha shacabka

Caydiid Ali

Ciidanka Xoogga dalka oo dilay xubno badan oo katirsanaa Al Shabaab

Cabdi Cade
Taboola Ads ---