Ciidanka xoogga dalka Soomaaliya gaar ahaan guutada Danab iyo ciidamada maamulka Jubbaland, ayaa saakay howlgal qorsheysan ay ka fuliyeen deegaanno hoostaga degmada Badhaadhe ee gobolka Jubbada Hoose ku dilay xubno badan oo katirsan Al Shabaab.
Saraakiisha ciidanka Danab iyo kuwa guutada Birjeex ee maamulka Jubbaland , ayaa sheegay in howlgalka saakay fuliyeen ciidamada huwanta ah lagu dilay 32-dagaalyahan oo katirsanaa kooxda Al Shabaab, sidoo kale lagu qabtay nolosha saddex dagaalyahan.
Ciidamada huwanta ah ayaa sidoo kale la wareegay hub kala duwan oo ay wateen dagaalyahannada Al Shabaab ee la dilay iyo kuwa la qabtay, waxa ayna ciidamada sheegeen in kooxdaasi ka saareen goobo ay kaga sugnaayeen deegaannada howlgalka ka dhacay.
Ciidamada Danab iyo kuwa guutada Birjeex ee maamulka Jubbaland ayaa guulo waa weyn ka gaaray howlgallada ay ka wadaan deegaanno katirsan Jubbooyinka, waxa ayna ciidamada dileen xubno badan oo katirsanaa Al Sahbaab , iyaga oo sidoo kale ka furtay hubkii ay wateen.
Xafiiska Shabakada Allbanaadir.com
Muqdisho Somalia
Allbanaadir@live.com
