Madaxweynaha Puntland Cabdiweli Maxamed Cali(Gaas) ayaa taliye cusub u magacaabay ciidanka loo bixiyay xasilinta ee u xil-saaran sugidda amniga caasimadda Garoowe.
Wareegto ka soo baxday xafiiska Madaxweynaha oo ku taariikhaysan 11 November ee ku beegan Axadda maanta ah ayaa taliyaha ciidanka xasilinta loogu magacaabay G/sare Cabdixamiid Maxamed Dirir oo sidoo kale ah taliyaha ciidanka PSF ee gobolka Nugaal.
Ciidanka la baxay xasilinta ee loo xil-saaray sugidda amniga magaalada Garoowe ayaa ka kooban laamaha Booliiska gobolka Nugaal iyo cutubyada sida gaarka ah u taba-baran ee PSF.
Wareegtada lagu magacaabay taliyaha cusub ayaa qorneyd sidatan:-
Madaxweynaha Maamulka Puntland Cabdiweli Cali Gaas ayaa magacaabay Taliyaha Ciidamada Xasilinta Magaalada Garoowe ee xarunta u ah maamulkaasi.
Xeer Madaxweyne Lr.171 11 November, 2018, kuna saabsan magacaabid Taliaya Ciidanka Xasilinta Caasimada Puntland.
Madaxweynaha Maamulka Puntland.
Markuu Arkay: Dastuurka Puntland
Markuu arkay: Aqoontiisa iyo khibradiisa shaqo
Wuxuu Xeeriyey:
Waxaa G/Sare Cabdixamiid Maxamed Dirir loo magacaabay Taliyaha Ciidanka Xasilinta caasimada Puntland ee Garoowe.
Xeerkani waxa uu dhaqan gelayaa markuu madaxweynuhu Saxiixo wuuna saxiixay madaxweynuhu.
Xafiiska Shabakada Allbanaadir.com
Muqdisho Somalia
Allbanaadir@live.com
