Shirka horumarinta Maaliyadda Dalka ee u dhexeeyay Wasiirada Maaliyadda heer Fadaraal iyo heer Dowlad-Goboleed ayaa maanta looga dooday sidii loo mideyn lahaa lambarka aqoonsiga cashuur-bixiyaha oo muhiim u ah casriyeynta hannaanka dakhliga gudaha.
Dood dheer iyo aragti isdhaafi kadib, masuuliyiintii kulanka ee labada heer ee Dowladda Federaalka Soomaaliya waxa ay isla meel-dhigeen hirgalinta nidaamka mideysan ee lambarka aqoonsiga cashuur bixiyaha oo ay ku jiraan Ganacsiyada, Shaqsiyaadka iyo hey’adaha macaadhdoonka ah.
Hirgalinta hishiiska nidaankan waxaa wadajir u saxiixay Wasiirka Maaliyadda Dowladda Federaalka Soomaaliya, Wasiirada Maaliyadda Dowlad-Goboleedyada kala ah Hirshabeelle, Galmudug, Koofur Galbeed, Jubbaland iyo Maamulka Gobolka Banaadir.
