Allbanaadir.com
NEWS

ATMIS oo saldhigoodii Maxaas ku wareejisay Ciidanka Xoogga (Sawirro)

Ciidamada nabad ilaalinta u jooga Soomaaliya ee ATMIS , ayaa maanta saldhigii ay ku lahaayeen degmada Maxaas ee gobolka Hiiraan, waxa ay sannado badan kaddib si rasmi ah ugu wareejisay ciidanka xoogga dalka Soomaaliya .

Saldhigan ay wareejiyeen ciidanka nabad ilaalinta u jooga Soomaaliya ee ATMIS waxaa si buuxda ula wareegay ciidanka xoogag dalka, kuwaa oo hadda kaddib si buuxda saldhigaasi u maamulaya kana sugaya ammaanka degmada Maxaas.

Madaxa saadka ee ciidamada nabad ilaalinta ee ATMIS, Col. Bosco Sibondavyi, ayaa ku ammaanay ciidamada ATMIS iyo kuwa xoogga dalka Soomaaliya ilaalinta bulshada deegaanka iyo sugidda amniga gobolka.

Wakiilka ciidamada Soomaaliya Lt. Xuseen Maxamed ayaa mar kale sheegay  in ay diyaar u yihiin ciidanka ciidanka xoogga dalka Soomaaliyeed in ay la wareegaan mas’uuliyadda amniga iyo la dagaalanka maleeshiyada Al Shabaab.

Madaxa qorshaynta kala-guurka ee UNSOS, Patrick Duah, ayaa dhankiisa ku nuux-nuuxsaday muhiimadda ay UNSOS u leedahay taageeridda qorshaha Kala-guurka ee Soomaaliya ee geeddi-socodka nabadaynta ee dalka.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Taliyaha Booliiska oo xilka laga qaadayo iyo xogta ninka lagu beddelayo

Cabdi Cade

Madaxweyne Deni oo Isbitaalka Garoowe ku booqday dhaawacyo (Sawirro)

Caydiid Ali

Dowlada Itoobiya oo gudbisay warqad dacwad oo ka dhan ah Tedros Adhenom

Cabdi Cade
Taboola Ads ---