Madaxweynaha cusub dalka Iran Mascuud Pezeshkian, ayaa si adag uga hadlay dilka Isra’il gudaha Iran ugu geesatay hoggaamiyihii ururka Xamaas Ismaaciil Haniya, waxa uuna sheegay Madaxweynaha in Isra’il ay ka shaleyn doonto dilka ay geesatay.
Waxa uu sheegay Madaxweynaha Iran in ay difaaci doonaan madaxbanaanideeda dhuleed, iyo sharafta Iran, waxa uuna geesi iyo halyey wax badan dadkiisa iyo dalkiisa ku tilmaamay hoggaamiyihii Xamaas ee Ismaaciil Haniya.
Hoggaamiyaha ugu sareeya Iran, Ayatollah Ali Khamenei , ayaa isna sheegay in waajib tahay in Xukuumadda Tehran sameyso aargoosi ku aadan dilka Ismaaciil Haniya, waxa uuna caddeeyay in dilka shahiidkaasi loo geestay aanan laga aamusi doonin.
Ayatollah Ali Khamenei , ayaa Israa’l ku tilmaamay kuwa galay faldambiyeed weyn, waxa uuna ku hanjabay in ay mari doonaan ciqaabta dambiga ay galeyn, ayna Iran falkaasi ka bixin doonto jawaab adag oo aargudasho ah.
Hoggaamiyaha Xamaas ee lagu dilay magaalada Tehran ee caasimadda dalka Iran , ayaa halkaasi u tagay ka qeyb galka caleema saarka Madaxweynaha cusub ee Iran, waxa uuna shalay siyaabo kala duwan Haniya ula kulmay Madaxweynaha Iran iyo Hoggaamiyaha dalkaasi ugu sareeya Ayatollah Khamenei.
Xafiiska Shabakada Allbanaadir.com
Muqdisho Somalia
Allbanaadir@live.com
