Ra’isul Wasaataha Xukuumadda Federaalka Soomaaliya Xamse Cabdi Barre oo xiran dareeska ciidanka xoogga dalka, iyo wafdi uu hoggaaminayo ayaa goordhaw gaaray magaalada Kismaayo ee xarunta KMG ee maamulka Jubbaland.
Madaxweynaha maamulka Jubbaland Axmed Madoobe, masuuliyiin katirsan dowladda Federaalka oo horey u gaaray Kismaayo, xubno katirsan labada gole ee maamulka Jubbaland iyo saraakiil ciidan ayaa garoonka Aadan Cadde kusoo dhaweeyay Ra’iaul Wasaare Xamse iyo xubnaha la socday.
Ra’isul Wasaaraha Soomaaliya ayaa u tagay magaalada Kismaayo dhiirogalinta ciidanka xoogga dalka iyo kuwa Jubbaland ee guulaha waa weyn ka gaaray dagaallo maalmo kahor la galeen dagaallamayaal katirsan kooxda Al Shabaab.
Xamse Barre ayaa inta uu joogo magaalada Kismaayo la kulmi doona Madaxweynaha Jubbalabd iyo masuuliyiin kale, waxaana laga yaabaa in uu booqdo xeryo ciidan iyo xarumo kale oo kuyaalla magaalada Kismaayo iyo duleedkeeda.
Xafiiska Shabakada Allbanaadir.com
Muqdisho Somalia
Allbanaadir@live.com
