Wasiirka wasaaradda Kalluumeysiga iyo Dhaqaalaha Buluugga ah ee Xukuumadda Federaalka Soomaaliya Mudane Axmed Xasan Aadan ayaa kulan la yeeshay dhiggiisa dalka Sacuudiga Mudane Cabdulraxmaan Al-Fadley, iyaga oo kulankooda diiradda ku saaray maalgashiga dhaqaalaha buluugga ah ee Soomaaliya.
Wasiir Axmed Xasan ayaa tilmaamay in dowladda Soomaaliya ay dadaal xooggan galisay ka shaqeynta arrimaha badda sida kalluumeysiga iyo dhaqaalaha buluugga, iyada oo bulshadda Soomaaliyeed lagu wacyigalinayo muhiimadda in maalgashi lagu sameeyo dhaqaalaha buluugga ah dalka.
Labada wasiirka ayaa ka wada hadlay fursadaha maalgashi ee dhaqaalaha buluugga ah ee Soomaaliya taas oo ah in labada dowladood ay iskaashi ka sameeyaan horumarinta dhaqaalaha buluugga ah oo dunida maanta muhiimad gaar ah u leh.
Dowladda Soomaaliya ayaana dedaal ku bixineysa sidii loo heli lahaa dowlado iyo shirkado maalgashi ku sameeya dhaqaalaha buluuga ah ee dhax ceegaaga badda Soomaaliya, si ay dadka Soomaalyteed mustqablka uga macaashaan.
Xafiiska Shabakada Allbanaadir.com
Muqdisho Somalia
Allbanaadir@live.com
