Ciidanka Boliiska Gobalka Banaadir gaar ahaan Saldhigga Boliiska Xamar Weyne ayaa soo xiray eedeysane Axmed Suudi Macow Deeyow 30 jir ah
Qoraal ka soo baxay Booliska ayaa lagu sheegay in ninkan uu ku eedeysan yahay inuu ku kacay falal liddi ku ah dhaqan Suuban ee Soomaaliyeed sidoo kalana dooriyay jirkiisa.
Sawir laga soo qaaday ninkan ayaa muujinaya inuu isku ekeysiiyey Dumar, uuna xirtay dharka haweenka isagoo sameystay naaso waaweyn iyo timo dhaadheer
“Waxaa ku socota baarista Boliiska waxaana la horgeyn doonaa Maxkamadda awooda u leh” ayaa lagu yiri qoraal ka soo baxay taliska ciidanka Booliska gobolka Banaadir.
Booliska Muqdisho ayaa mudooyinkan ku howlanaa xariga dad ku eedeysan falal anshax xumo ah oo qaarkood baraha bulshada caan ka ah, kuwaasoo la sheegay in maxkamad la soo taagayo.
