Dagaallamayaal katirsan kooxda Al Shabaab ayaa saakay aroortii hore weerar qaraxyo ku bilowday ku qaaday fariisimo ciidanka xoogga iyo kuwa daraawiishta Jubbaland ku lahaayeen deegaanka Buuloxaaji ee gobolka Jubadda Hoose.
Qaraxyada kaddib Al Shabaab ayaa weerar dhinaca dhulka ah ku galay deegaanka Buuloxaaji, hasa ahaatee ciidanka ayaa difaac adag xirtay iska caabiyay kooxdii weerarka kusoo qaaday saldhigyadii ay joogeen.
Saraakiisha ciidanka xoogga iyo kuwa Jubbaland ayaana sheegay in weerarkii Al Shabaab la fashiliyay, waxa ayna xuseen in Al Shabaab weerarkaasi cashir lagu siiyay lagana dilay xubno badan sidoo kale laga furtay hubkii ay wateen.
Meydadka xubno badan oo katirsanaa kooxda Al Shabaab ayaa goordhaw lagu soo bandhigay deegaanka Buuloxaaji, waxaa sidoo kale lasoo bandhigay hub badan oo Al Shabaab dagaalka looga qabsaday.
