Dowladda Mareykanka ayaa muddo kordhin sannad ka badan u sameesay Soomaali si sharcidarro ah ku joogay dalka Mareykanka, kuwaa oo hadda fursad u helaya in dalkaasi kusii noolaadaan sidoo kale kasii shaqeystaan.
Waaxda arrimaha gudaha ee dowladda Mareykanka ayaa dib u qaabeyn iyo muddo kordhin ku sameysay sharciga ku meelgaarka ah ay dalkaasi lagu joogi karo ee loo yaqaan (TIP), waxaana si gaar ah muddo kordhin loogu sameeyay in dalkaasi kusii joogaan dadka ka soo jeeda Soomaaliya.
Sharcigan ayaana dadka Soomaaliyeed ee la siiyay fursad u siinaya in dalka Mareykanka ay sii joogaan muddo 18-bilood ah oo bilaabanaya 18-ka bisha Sebtember ee sannadkan, waxa uuna ku egyahay ilaa iyo bisha 17-ka Maarso 2026-ka
Dowladda Mareykanka ayaana sharcigan loo yaqaan (TIP) siisa dadka kasoo jeeda qaar kamid ah dalalka caalamka , gaar ahaan kuwa kasoo jeeda dalalka ay colaadaha iyo dagaallada ka jiraan sida Soomaaliya oo ay adag tahay in muwaadiniinta kasoo jeeda dib loogu celiyo.
Xoghayaha Amniga Gudaha ee dowladda Maraykanka, Alejandro N. Mayorkas, ayaa sheegay in muddo kordhinta ay sameeyeen ay xaqiijineyso in dadka Soomaaliyeed ee hore u joogay dalka Mareykanka ay sii joogaan kana shaqeystaan.
Dib u cusbooneysiinta sharciga KMG waxa uu u ogolaanayaa Soomaali lagu qiyaasay 4,300 in ay dalbadaan deganaashahaas KMG ee TPS. Si aad u hesho waxaa lagaaga baahan yahay in aad ku nooleyd Mareykanka laga soo bilaabo bishan July 12-keeda 2024, dalkana waa in aad sii joogtaa.
Xafiiska Shabakada Allbanaadir.com
Muqdisho Somalia
Allbanaadir@live.com
