Xuutiyiinta ayaa weerarray markab laga leeyahay Singapore, oo la sheegay inuu ku soo jeeday Soomaaliya, sida ay xaqiijinayaan mas’uuliyiinta Singapore iyo Hawlgallada Ganacsiga Badaha ee UK.
Xuutiyiinta ayaa ku andacooday inuu markabkan ku xad-gudbay xayiraada ay saareen dekedaha Israa’iil, iyagoo sheegay iney ku weerareen daroon drones ah nooca isqarxiya
Markabka MV Lobivia oo uu maamsho shirkadda Asiatic Lloyd ee dalka Singapore, ayaa ka furtay Jabuuti 16-kii Luulyo, waxaa lagu weeraray meel qiyaastii 83 mayl-badeed koonfur-bari ka xigta magaalada Cadan ee dalka Yemen
Weerarka ayaa la sheegay inuu dhaliyay dab qabsaday markabka oo markii dambe ay ku guuleysteen shaqaalaha la socday inay damiyaan,
Markabka ayaa safarkiisa sii watay, waxaana qiimeynta khasaaraha ka soo gaaray weerarka la sheegay in la soo bandhigi doono dekedaha Soomaaliya ee uu ku socdo marka uu ku xirto
Xuutiyiintu waxay sheegeen in weerarrada ay ku hayaan maraakiibta ku safraya dekedaha Israa’iil ay jawaab toos ah u tahay ficillada Israa’iil ee Gaza. Xuutiyiintu waxay ujeedadoodu tahay in ay abuuraan caqabado dhaqaale iyo saadka ee Israa’iil iyaga oo carqaladaynaya waddooyinka ganacsiga iyo dhaqdhaqaaqa badda
