Xildhibaano iyo Wasiiro ka soo jeeda Beelaha D&M oo goordhaw shir ku yeeshay Xarunra Villa Hargeysa ayaa kawada hadlay sidii loo fullin lahaa, ballan madaxda sare dalka horey ugu qaadeen oo ahaa in loo magacaabo Ra’isul wasaare kuxigeen labaad.
Xildhibaannada ayaa dood iyo falanqeyn kaddib waxay isla garteen tallaabada ay qaadayaan haddii muddo 24 saac gudahood lagu magacaabi waayo xilka Ra’iisul Wasaare kuxigeenka labaad oo matala Beesha Raxanweyn.
Waxa ay sheegeen xikdhibaannadan goordhaw Muqdisho ku shiray inay yihiin canshuur bixiyayaal, qeybta ugu weyn ay ka yihiin la dagaalanka argagixisada iyo dhismaha ciidanka qalabka, sidaa darteed xaq u leeyihiin Ra’isul Wasaare Kuxigeen.
Qorshahan Ra’isul Wasaare kuxigeenka labaad ku dalbanayaan beesha Digil iyo Mirifle waxaa dhankooda si weyn uga soo horjeeda oo iyana shirar ku leh Muqdisho xildhibaanno kasoo jeeda gobolada waqooyi ee Somaliland.
Beesha Raxanweyn ayaa xilligii dowladdii KMG waxay laheyd xilka Ra’iisul Wasaare Kuxigeen lagu dheeli tiri jiray awood qeybsiga, maadaama dalka uu xilligaas uu lahaa saddex Ra’iisul Wasaare kuxigeen, balse muddo xileedkii hore ee Madaxweyne Xasan Sheekh ayaa la baabi’iyay dhowrka Ra’iisul Wasaare Kuxigeen.
