Madaxweynaha dalka Mareykanka Joe Biden ayaa laga helay cudurka Covid-19 , xilli uu u duulayay Madaxweynaha magaalada Las Vegas ee gobolka Nevada ee dalkan Maraykanka, halkaas uu kula hadli lahaa qaar kamid ah taageerayaashiisa .
Joe Biden ayaa lagu arkay calaamado muujinaya in uu hayo xanuunka Covid-19 xilli uu diyaarada u raacayay magaalada Las Vegas, Aqalka Cad ayaana shaaciyay in la baajiyay khudbad uu Madaxweynaha u jeedin lahaa taageerayaashiisa oo sugayay.
Xoghayaha warfaafinta Aqalka Cad Karine Jean-Pierre, ayaa sheegay in Madaxweyne Biden u duullay gurigiisa oo kuyaalla gobolka Delaware, waxa uuna sheegay in halkaasi go’doomin ku gali doono kuna sugnaanayo inta xaaladiisa ay iska baddaleyso.
Qoraal uu soo saaray dhaqtarka gaarka ah ee Madaxweyne Biden ayuu ku sheegay in Madaxweynaha lagu arkay calaamado dhinaca neef-mareenka sare ah, iyo qufac qalalan, waxa uuna xusay in xaalada Biden lala tacaalayo loona qoray daawooyin.
Madaxweynaha Mareykanka ayaa ku jiray ololihiisa doorashada uu ugu diyaargaroobayo doorashada ay is wajahayaan Donland Trump, waxa uuna xanuunkan ku dhacay imaanayaa xilli horey shaki loo galiyay xaaladiisa caafimaad iyo sidoo kale da’diisa sii kordheysa.
Xafiiska Shabakada Allbanaadir.com
Muqdisho Somalia
Allbanaadir@live.com
