Ciidanka Xoogga dalka iyo kuwa deegaanka ee ku sugan bariga Galgaduud ayaa galabta weerar qorsheysan ku qaaaday inta u dhaxeysa degaanka Cows-weyne iyo Mesagawaay ee gobalka galgaduud.
Waxaa goobahaas ku sugnaa xubno ka tirsanaa Al shabaab oo halkaas isku urursanayey
“In ka badan 60 maleeshiyaad Khawaarijta ah ayaa lagu dilay dagaal galab gala ah oo lagu qaaday maleeshiya isku Soo dhurayay inta u dhexeysa degaanka Cows-weyne iyo Masagaway oo ah keyn xoola daaqeen ah” ayaa lagu yiri war ka soo baxay taliska ciidanka
Taliyaha ciidanka Dhulka Xds Gen. Dayax Cabdi Cabdulle ayaa u xaqiijiyay tira kor u dhaafeysa lixdameeyo Al shabaab laga dilay galabta, ayna ciidanku guula wax ku ool ah ka gaareen dagaalka maanta ee ka dhacay inta u dhaxeysa Cows-weyne iyo Masagawaay.
Xoogaga al shabaab oo laga fara maroojiyey inta badan degmooyinka iyo degaanada Galgaduud ayaa ku weli jooga keymo iyo tuulooyin yar yar oo ku yaalla gobolkaas, iyagoo isku dayaya iney dib u isku abaabulaan.
