Qarax ismiidaamin ah ayaa goor dhow ka dhacay maqaayada Top Coffee oo ku taalla agagaarka taalada daljirka Dahsoon ee magaalada Muqdisho.
Qaraxa oo ahaa mid xoogan ayaan illaa la ogeyn nooca uu ahaa inkastoo wararka qaarkood sheegayaan inuu mid ismiidaan ah oo gaari loo adeegsaday.
Sida wararka Hordhaca ah sheegayaan xiliga qaraxu dhacayey waxaa halkaas lagu daawanayay Ciyaarta Finalka ah ee caawa dhexmaraysay dalalka 𝗦𝗽𝗮𝗶𝗻 iyo 𝗘𝗻𝗴𝗹𝗮𝗻𝗱.
Qaraxa ayaa sidoo kale saameeyey dadweyne bajaaj iyo gawaari kale oo marayey wadada hormarta maqaayadaas kuwaasoo uu soo gaaray khasaarooyin iskugu jira dhimasho, dhaawac iyo burbur xooggan
Xaalada ayaa kacsan ciidamada amaanka DF ayaana xiray goobtaas, iyadoo gaadiid ambalaasta ay goobta ka qaadayaan dadka waxyeeladu soo gaartay oo ilaa hada aan tirakoob sax ah laga heynin.
La soco wixii soo kordha..
