Ra’iisul wasaaraha dalka Itoobiya,Abiy Ahmed ayaa maanta booqasho rasmi ah ku tagay magaalada Port Sudan, taasoo ah booqashadii ugu horrreysay oo sarkaal sare oo dawladeed uu ku tago dalka Suudaan tan iyo markii ay dagaallada ka bilowdeen.
Waxaa uu kulamo la qaatay madaxa militariga Suudaan, Abdel Fattah al-Burhan, wuxuuna Abiy isku dayi doonaa inuu raadiyo hab wada-xaajood oo lagu joojin karo dagaalka, sida uu dhowaan ka sheegay Addis Ababa.
Itoobiya iyo Suudaan, waxaa muddo dheer ka dhaxeeyay khilaaf salka ku haya khayraadka iyo dhulka, marka laga soo tago xiisadda wabiga Niil.
Waxay isku dayaysay Sudan inay la wareegto gacan ku heynta gobolka xadduudka ku yaalla ee Al Fushqa oo ay ku muransan yihiin dadka ka soo jeeda Al Qadarif iyo Amxaarada. Gobolku waa dhul beereed barwaaqo ah, caasimaddiisuna waa Showak.
