Ciidanka xoogga dalka Soomaaliya gaar ahaan guutada 9-aad qeybta 60-aad , ayaa howlgal qorsheysan ka fuliyay deegaanno ay ku sugnaayeen dagaallamayaal katirsan kooxda Al Shabaab oo kuyaalla duleedka degmada Waajid ee gobolka Bakool.
Howlgalka ciidanka sameeyeen intii uu socday ayey ku burburiyeen saldhigyadii kooxda Al Shabaab ku lahaayeen deegaannada kala ah, Baar, Ceeljeedow, Ceeltuumed iyo Sijo, kuwaa oo dhammaan hoostaga degmada Waajid .
Ciidamada ayaa kala eryay dagaallamayaal katirsanaa kooxda Al Shabaab oo ku sugnaa deegaannada howlgalka laga fuliyay , waxa ayna ciidamada deegaannadaasi ay gaareen ka sameeyeen baaritaanno ay ku raadinayeen xubno katirsan Al Shabaab.
Ciidamada dowladda ayaa fuliya howlgalo ka dhan ah kooxda Al Shabaab, ciidamada ayaana inta badan deeegaannada ay tagaan kana fuliyaan howlgalada qorsheysan saacado kaddib dib uga soo baxa deegaannadaasi.
Xafiiska Shabakada Allbanaadir.com
Muqdisho Somalia
Allbanaadir@live.com
