Waxaa soo baxaya faahfaahin ku saabsan dagaal saaka waaberigii ka dhacay degaanka Goofgaduud Buurey oo ku yaala duleedka magaalada Baydhao ee Gobolka Bay.
Dagaalka ayaa yimid kadib markii xoogag katirsan Kooxda Al-Shabaab ay weerareen Saddex Saldhig oo Ciidamada dowladda iyo kuwa Koonfur Galbeed ku leeyihiin degaanka Goofgaduud.
Goobjoogayaal ayaa sheegay inay si weyn u maqlayeen dhawaqa rasaasta ay isku adeegsanayeen labada dhinac, isla markaana gudaha degaanka uu si weyn uga dhacay dagaalka.
Saraakiil katirsan laamaha Amniga Koonfur Galbeed ayaa sheegay inay iska difaaceen weerarkii kaga yimid dhinaca Al-Shabaab, isla markaana ay khasaaro gaarsiiyeen, hayeeshee Al-Shabaab oo weerarkaasi ka hadlay ayaa sheegay inay la wareegeen Saldhigyadii ciidamada iyo Guud ahaan degaanka Goofgaduud Buurey.
Wararkii ugu dambeeyay ee naga soo gaaraya Gobolka Baay ayaa waxay sheegayaan in Ciidamo gurmad ah ay ku baxeen degaankaas oo laga difaaco Magaalada Baydhabo ee Xarunta Gobolka Bay.
