Cutub gaar ah oo lagu magacaabo Han-qadh kana mid ah ciidamada Nabadsugidda iyo Sirdoonka Jubbaland ee NISA ayaa maanta tababar loogu soo xiray magaalada Kismaayo.
Ciidankan ayaa muddo badan tababar dhowr nooc isugu jira ku qaadanayey xarumo gaar ah oo ay tababar ku qaataan ciidanka Nabadsugidda Jubbaland.
Saraakiisha NISA ayaa sheegay in ciidankan tababarkii mudada dheer ay qaadanayeen ay ku soo barteen wax walbo oo lagama maarmaan u ah askari loo carbinayo in sida ugu adag uu ugu shaqeeyo dalkiisa, dadkiisa iyo diintiisa.
“Waa ciidan u badan rag dhalinyaro ah oo lagu soo xulay heerarka kala duwan ee markii ciidan la qorayo la maro, waxaana wajiyadooda aad ka dheehan kartaa tababarkii ay soo qaateen in uu ahaa mid aad u sareeya kana soo saaray ciidan tayadoodu ay sarayso” ayuu yiri taliyaha NISAÂ ee Jubbaland.
