Xubin katirsanaa kooxda Al Shabaab ee ka dagaallanta gobolada Baay iyo Bakool ayaa isku soo dhiibay ciidanka xoogga dalka ,gaar ahaan taliska qeybta 60-aad ee fadhigoodu yahay Koonfur Galbeed.
Isxaaq Sheekh Cali Cabdullahi oo ka tirsanaa kooxda Al Shabaab muddo 14 sanno ayaa go’ aansaday in kooxdaasi isaga soo baxo iskuna dhiibo ciidanka xoogga dalka Soomaaliya.
Ninkan kasoo goostay kooxda Al Shabaab ayaa sheegay in uu u adkeysan waaye xaalada adag ee kooxda ka dhax jirta, waxa uuna tilmaamay rag asxaabtiisa ku qal qaaliyeen in Al Shabaab kasoo goosto.
Xubno badan oo katirsanaa kooxda Al Shabaab ayaa muddooyinkii dambe isku soo dhiibayay ciidanka dowladda, xubnahaasi ayaana lagu xareeyay xarumo dhaqan-celin ah oo loogu tala galay in la geeyo ragga isa soo dhiiba.
