Ciidamada milatariga Israel ee duullaanka gardarada ah ku qaaday dhulka Falasiin ayaa jabinaya xeerarka dagaalka u yaalla, waxa ayna ku kacayaan falal aad looga naxo oo ka dhan ah bini’aadannimada.
Muuqaal lasoo duubay ayaa fadeexad iyo ceeb ku abuuray milatariga Israel , kaddib markii nin Falastiini dhaawac ah ciidamada ku xireen afaafka hore ee gaari ciidan , kuna dhax wareejiyeen magaalada Janin.
Milatariga Israel ayaa kuna qasbanaaday in ay qirtaan falkan laga xumaaday ee ku kaceen ciidankooda, waxa ayna sheegeen falkan ay ku kaceenm askra katirsan ciidankooda in la baarayo ayna qaadayaan tallaabooyin.
War kasoo baxay milatariga Israel ayey ku sheegeen in ninkan gaariga lagu xiray isaga oo dhaawac an uu ahaa tuhmane, waxa ayna sheegeen in uu ku dhaawacmay rasaas ay is dhaafsadeen ciidankooda iyo maleeshiyaad hubeysan.
“Iyadoo la jabiney awaamiirta iyo nidaamka caadiga ah ee hawlgalka, Eedeysanaha waxa qabtay Ciidamada difaaca Israa’iil waxayna kaxayteen isaga oo ku xiran Gaari korkiisa.Habdhaqanka ciidamada ee muuqaalka laga duubay ma waafaqsana qiyamka ciidamada IDF, dhacdada waa la baari doonaa, waxaana laga qaadi doonaa tallaabada ku habboon” ayaa lagu yiri war kasoo baxay milatariga Israel.
Ninka dhaawaca ah ehelkiisa ayaa sheegay in uusan wax dagaal ah shaqo ku laheyn wiilkooda, waxa ayna xuseen in ay dalbadeen Amblaas balse ciidamada Israel xoog ku wateen kuna xireen dhaawac wiilkooda gaari Jeeb ah afkiisa.
Hay’adda Laanqeyrta Cas ayaa markii dambe lagu wareejiyay dhaawaca ninka Falastiiniga ah si loo daaweeyo, waxaana dhacdadan ceebta ku noqotay milatariga Israel si weyn u hadal haya warbaahinta caalamka qaarkood.
Xafiiska Shabakada Allbanaadir.com
Muqdisho Somalia
Allbanaadir@live.com
