Madaxweynaha Puntland Siciid Cabdullaahi Deni ayaa maanta oo Khamiis ah safar ugu baxay dalka dibaddiisa.
Deni oo ku sii jeeda waddanka Imaaraadka Carabta ayaa ka dhoofay garoonka diyaaradaha magaalada Garoowe ee Gen. Maxamed Abshir Haaman, waxaana sii raacay xubno ka tirsan dowladiisa.
Wararka ayaa sheegaya in madaxweyne Deni uu sidoo kale safarkiisa ku sii mari doono magaalada Addis Ababa ee waddanka Itoobiya sida ay sheegayaan ilo wareedyo kala duwan.
Madaxtooyada Puntland weli kama hadlin ujeedka safarka madaxweyne Deni uu ugu baxay dalka Imaaraadka Carabta hase ahaatee Imaaraadka ayaa Puntland la leh xiriir wanaagsan.
