Taliyaha ciidanka booliiska Soomaaliya ayaa xilka ka qaaday Taliyihii hore ee ciidanka booliiska degmada Kaaraan ee gobolka Banaadir, waxaana saldhigaasi loo magacaabay taliye cusub .
Taliyihii hore ee ciidanka booliiska Degmada Kaaraan Canjeex ayaa la sheegay iyo uu ka biyo diiday xil ka qaadista lagu sameeyay, waxaana arintaasi dhalisay xiisad maalmahan soo jiitameysay.
Taliyaha cusub ee ciidanka booliiska degmada Kaaraan ayaa loo magacaabay Cabdi Sheekh Ciise Axmed (Cabdi Kumi) sargaalkan ayaa la sheegay in uu la dhashay Gudoomiyaha Al Shabaab ee gobolka Shabeelaha Dhaxe Sheekh Yuusuf Sheekh Ciise Kaba Kudukade.
Taliska booliiska Soomaaliya ayaa mudooyinkan dambe waday isbadalo badan oo lagu sameenayay taliyaasha saldhigyada degmooyinka gobolka Banaadir, waxaana xilka laga qaaday taliyaal dhoor ah oo waxqabad la’aan lagu eedeeyay.
Xafiiska Shabakada Allbanaadir.com
Muqdisho Somalia
Allbanaadir@live.com
