Allbanaadir.com
NEWS

Ra’isul Wasaare Xamse oo ka hadlay Dagaal saakay Al Shabaab looga saaray Buulo-Xaaji

Ra’iisul Wasaaraha Xukuumadda Soomaaliya Mudane Xamsa Cabdi Barre, ayaa ugu hambalyeeyey ciidamada geesiyaasha Xoogga Dalka Soomaaliyeed iyo ciidamada Jubbaland guusha ay ka gaareen dagaalka cadowga looga sifeynayo deegaannada Jubbaland.

Ciidanka ayaa saaka si buuxda ula wareegay deegaanka Buulo-Xaaji ee gobolka Jubbada Hoose oo qiyaastii 80-KM dhanka Koonfureed kaga beegan magaalada Kismaayo ee xarunta gobolka.

“Waxaan ku ammaanayaa Ciidammada Halyeeyada Qaranka ee sida geesinimada, Dadaalka iyo Daacadnimadu ku jirto uga xoreynaya Khawaarijta deegaanada fara kutiriska ah ee ay gacanta ku hayaan”.

Ra’iisul Wasaaraha ayaa hoosta ka xarriiqay in dowladdu ay gacanna kula dirirayso Khawaarijta gacanna ay ku daryeelaysaa shacabkeeda, isaga oo intaas ku daray in goobaha la xoreeyey la gaarsiin doono adeegyadii aas-aasiga ahaa sida waxbarasho, caafimaad iyo nabadgalyo, si la mid ah deegaanadii kale ee laga xoreeyay Khawaarijta.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Prof. Dufle oo Bulshada Soomaaliyeed uga digaya halista caabuqa Coronavirus (VIDEO)

Caydiid Ali

RW Rooble oo kormeeray Xarumaha Xiriirka Dadweynaha ee 449 (Sawirro)

Caydiid Ali

Dalalka G7 oo si adag uga hadlay Xiisada Siyaasadeed ee Soomaaliya soona saaray Digniin

Cabdi Cade
Taboola Ads ---