Wafdi uu hogaaminayo Guddoomiyaha Golaha Shacabka ee BJFS mudane Sheekh Aadan Maxamed Nuur Madoobe ayaa maanta gaaray magaalada Kismaayo.
Guddoomiyaha Barlamaanka waxaa wehliya Gudddoomiye Ku xigeenka Koowaad ee Golaha Shacabka Sacdiya Yaasiin Xaaji Samatar iyo xubnaha Guddiga joogtada ah ee Golaha.
Waxaa garoonka diyaaradaha Kismaayo ku soo dhaweeyay Madaxweynaha Dowlad goboleedka Jubaland mudane Axmed Maxamed Islaam, Guddoomiyaha Golaha wakiillada ee dowlad goboleedka Jubaland, wasiiro, Xildhibaano iyo qeybaha Kala duwan ee bulshada magaalada Kismaayo.
Ujeedka Guddoomiyaha Golaha Shacabka BFS uu ku tagay Kismaayo ayaa ah banbaxa guddiga Joogtada, waxaana Magaaladaas ka dhici doona kulamada Guddiga joogtada oo looga hadli doono dejinta jadwalka kalfadhiga shanaad ee Golaha Shacabka.
