Wasiirada arrimaha dibadda ee Midowga Yurub oo Isniintii ku kulmay Brussels ayaa markii ugu horeysay ka wada-hadlay “dadood muhiim ah” oo ku saabsan cunaqabateyn lagu soo rogo Israa’iil haddii ay u hoggaansami wayso go’aanka maxkamadda sare ee Qaramada Midoobay.
Wasiirka arrimaha dibadda Ireland Micheál Martin ayaa sheegay kulanka ka dib in wasiiradu ay ka doodeen suuragalnimada talaabo adag oo laga qaado Israel.
“Waxaa jiray heshiis cad oo ku saabsan baahida loo qabo in la taageero hay’adaha samafalka iyo kuwa sharciga ah ee caalamiga ah sida Maxkamadda Caalamiga ah ee Cadaaladda, iyo runtii ICC.” ayuu yiri wasiirka
Jimcihii, maxkamadda sare ee Qaramada Midoobay, Maxkamadda Caalamiga ah ee Caddaaladda (ICJ), ayaa amar ku bixisay in Israa’iil ay si degdeg ah u joojiso hawlgallada milatari ee muranka badan dhaliyay ee ay ka waddo Rafah, taasoo sii kordhinaysa cadaadiska caalamiga ah ee Israa’iil ee dagaalka ay kula jirto Xamaas.
Martin wuxuu yiri “Israa’iil waa inay u hoggaansantaa amaradaas ku-meel-gaarka ah si ay u furto marinka xadka ee Rafah iyo sidoo kale inay joojiso howlgalkeeda militari ee Rafah.”
“Mid ka mid ah gunaanadka ayaa ah in la qabto shir ay leeyihiin golaha Midowga Yurub ee Israa’iil si aan kor ugu qaadno welwelkayaga weyn, oo aan u gudbino Israa’iil, oo aan ka raadino Israa’iil jawaab ku saabsan u hoggaansanaanta awaamiirta maxkamadda.” ayuu yiri wasiirka
Waxaa uu sheegay in gudaha Midowga Yurub ay ka jirto kala aragti duwanaansho la xiriirta cunaqabateyn la saaro Israel.
“Waxaa jira xoogaa kala aragti duwanaansho ah oo u dhexeeya dadka sheegaya baahida loo qabo hab cunaqabatayn ku salaysan” haddii Israa’iil ayan u hoggaansamin go’aannada Maxkamadda Caalamiga ah ee Caddaaladda” ayuu yiri Wasiirka
“Waxaa jira walaac badan” oo ka jira hay’adaha EU iyo wadamada Yurub “oo ku saabsan waxa ay tahay xaalad cad oo Maxkamadda Caalamiga ah ee Caddaaladdu ay xukuntay, amaro ku-meel-gaar ah,” ayuu yiri Martin, isagoo raaciyay “EU waxay had iyo jeer taageertaa. madax-bannaanida maxkamaddaas iyo baahida loo qabo in ummaduhu u hoggaansamaan.
