Sida ay sheegayaan warar goor dhow na soo gaaray dabley hubeysan ayaa rasaas ooda kaga qaaday gaari ay la socdeen dad shacab ah oo marayey duleedkaa magaalada Muqdisho.
Weerarka ayaa ka dhacay degaanka Lafoole oo ku dhow degmada Afgooye ka dib markii Dabley wejiyada soo qarsaday ay tacshiirad xoog leh ku fureen Gaari nooca raaxada ah oo ay la socdeen lix qof.
Inta badan dadkii saarnaa gaariga ayaa goobta ku dhintay, waxaana la soo sheegayaa  saddex ka mid ah dadka la dilay ay wallaalo ahaayeen.
Wararka qaar ayaa sheegaya dadka la laayey in gaariga lagala degay intii aan la toogan welina lama oga sababta loo laayey dadkan, waxa ay ahaayeen iyo cida ka dambeysay dilkooda.
Dableydii falkaasi geystay ayaa goobta ka baxsaday, wax yar ka dibna waxaa halkaas gaaray ciidamada amniga oo xiray goobtaasi, waxaana socda baaritaano.
Wixii soo kordha kala soco wararkeena ugu horeeya insha ALLAAH
Xafiiska Shabakada Allbanaadir.com
Muqdisho Somalia
Allbanaadir@live.com
