Kooxo biskoolado ku hubeesan ayaa duhurnimadii maanta gudaha Suuqa Bakaaraha ee magaalada Muqdisho waxa ay ku dileen ganacsade kamid ahaa saamileyda Shirkada Hilibka dhoofisa ee Sommeat.
Goobjoogayaal ayaa ku waramay in dhalinyaro biskoolado ku hubeesan rasaas la dhaceen Ganacsade Nuur Kheyre Guutaale xili uu marayay meel ku dhaw laamiga Shirkadaha ee Suuqa Bakaaraha.
Ragii hubeesnaa ee dilay ganacsadaha ayaa goobta si deg deg ah uga baxsaday, waxaana halkaasi soo gaaray ciidamo katirsan booliiska oo goobta dilku ka dhacay ka sameeyay baaritaano kooban.
Suuqa Bakaaraha ayaa kamid ah goobaha ugu badan ee ka dhacaan dilalka, waxaana suuqaasi uu noqday mid ay ku guul dareesteen ciidamada amaanka in ay amaankiisa xaqiijiyaan.
Xafiiska Shabakada Allbanaadir.com
Muqdisho Somalia
Allbanaadir@live.com
