Wasiirka Wasaaradda Amniga Gudaha dowlada Jubbaland Sareeye Gaas Yusuf Xuseen Cismaan Dhuumaal oo uu wahliyo taliyaha booliska qaybta gobolka Jubadda hoose Sadiiq Maxamad Dhogor ayaa maanta xariga ka jaray dhismaha saldhig cusub oo booliska Jubbaland ku yeelanayaan degaanka Goobwayn ee duleedka magaalada Kismaayo
Waxaa saldhigan dhismihiisa iska kaashaday qaybaha kala duwan ee bulshada rayidka degaanka Goobwayn iyo taliska Booliska qaybta gobolka Jubbada hoose.
Munasabadda daahfurka saldhigga waxaa qayb ka ahaa qaar ka mid ah golaha wakiilada shacabka dowlada Jubbaland, guddomiyaha Degmada Kismaayo, saraakiil iyo dadwaynaha deegaanka Goobwayn.
Degaanka Goobweyn ee qiyaastii 30km woqooyi kaga toosan Magaalada Kismaayo waa degaan loo dalxiis tago oo dad badan ay tagaan, waana kulansaday webiga Jubba iyo badweynta India oo ah halka ay isaga darmaan.
