Waxaa goordhaw magaalada Muqdisho ka furmay Shirka Kooxda Xiriirka Soomaaliya ee Ururka Iskaashiga Islaamka OIC ,waxaana shirkan furay Ra’iisul Wasaaraha Xukuumada Soomaaliya Xasan Cali Kheyre.
Ra’isul Wasaare Kheyre oo furitaanka shirka ka hadlay ayaa sheegay in dadaalo badan ay sameesay dowlada Soomaaliya ku timid in markii ugu horeesay shirkan lagu qabto Soomaaliya.
Shirkan goordhaw ka furmay magaalada Muqdisho ayaa waxaa ka qeyb galaya Madax ka kala socota Ururka Iskaashiga Islaamka ee ah 15-ka dal ee Kooxda Xiriirka Soomaaliya ee OIC.
Kooxda Xiriirka Soomaaliya ee OIC ayaa la aas aasay sanadkii 2007-dii, waxaana shirkan maanta ka furmay magaalada Muqdisho laga soo saari doonaa War Murtiyeed diirada lagu saari doono arimaha Soomaaliya.
Xafiiska Shabakada Allbanaadir.com
Muqdisho Somalia
Allbanaadir@live.com
