Allbanaadir.com
NEWS

Madaxweyne Qoor Qoor oo shaaciyay in beri aan la barakicineyn dadka degan Dab-damiska

Guddi odayaal ah oo ka socday dadka degan xerada Dab-damiska ee Muqdisho ayaa galabta hoygiisa ugu tagay Madaxweynaha maamulka Galmudug Axmed Cabdi Kaariye, iyaga oo cabasho ka ah dowladda oo dadkaasi ka saareysa xerada ay degan yihiin.

Madaxweyne Qoor Qoor ayaa odayaasha u tagay ka dhageestay cabashooda ku aadan dhulka dowladda leedahay ee la amray in laga saaro, waxa uuna Madaxweynaha odayaasha ugu laab qaboojiyay in uu xaalada dejinayo.

Qoor Qoor oo hadal kooban jeediyay ayaa sheegay in aysan beri jiri doonin barakicin lagu sameeyo dadka degan xerada Dab-damiska, waxa uuna u sheegay in in Madaxweynaha u tagayo kalana hadlayo in dadkaasi aan la barakicin.

Waxa uu sheegay Qoor Qoor in maanta yimid Muqdisho kana shaqeenayo sidii madaxda dowladda ugala hadli lahaa deminta xiisada taagan, waxa uuna ugu baaqay dadka degan Dab-damiska in iyana joojiyaan xaalad kasta oo dhibaato abuuri karta.

Booliiska Soomaaliya ayaa waqtiga kama dambeysta ah ay u qabteen dadka degan dhulka xerada Dab-damiska ayaa beri oo Sabti ah ku eg, waxa ayna dadka degan dhulka dowladda ku adkeesteen in aysan halkaasi ka guuri doonin ayna diyaar u yihiin in ay ku dhintaan.

Xiisad ayaana ka taagan aagga ee kutaallo xerada Dab-damiska ee Muqdisho, waxaana halkaasi isugu tagay maleeshiyo beeleed , kuwaa oo doonaya in ay kahor tagaan ciidamada booliiska ee doonaya in dadka halkaasi degan ka saaraan.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Nicholas Heysom oo Qoraal u diray Wasiirka amniga Somalia, Su’aalo culusna hordhigay

Caydiid Ali

Madaale iyo Taliyaha Booliiska oo kormeeray labo Degmo oo amnigooda xun yahay (Sawirro)

Cabdi Cade

Dhac Nuuc cusub ah kana argagaxeen Shacabka oo kusoo kordhay Muqdisho !!

Cabdi Cade
Taboola Ads ---