Madaxweynaha Iran Ebrahim Raisi ayaa sheegay in Weerar kasta oo cusub oo ka dhan ah danaha qaranka Iran uu la kulmi doono jawaab culus oo laga qoomameeyo.
Wasiirka arrimaha dibadda ee Iran ayaa isna sheegay in Iran aysan wax niyad ah u haynin in ay sii wadato hawlgallada difaaca, “Laakiin haddii loo baahdo, kama labalabayn doonto inay danaheeda sharciga ah ka ilaaliso gardarro kasta oo cusub” ayuu yiri
“In la isticmaalo xuquuqda difaaca sharciga ah waxay muujineysaa sida mas’uuliyadda leh ee Iran ay u wajaheyso nabadda iyo amniga gobolka iyo tan caalamiga ah,” ayuu raaciyay.
Iran ayaa sii wada hanjabaadeeda ka dib markii ay weerar habeenimo ah oo aan hore loo arag ay ku qaaday Israa’iil.
Hogaamiyaha Ilaalada Kacaanka Islaamiga ah ee Iran ayaa sheegay in ay hadda si toos ah uga jawaabi doonaan mar kasta oo Israel ay weerarto danahooda, hantidooda ama dadkooda.
