Gudoomiyaha Gobolka Nugaal ee Maamulka Puntland Cabdiraxmaan Xaaji Abshir ayaa sheegay qofkii Taageero u muujiya Wasiirka cusub ee arimaha Gudaha Soomaaliya Wasiir Cali Yusuf Xoosh inuu noqonayo Danbiile.
Waxaa kale oo uu sheegay inaan la taageeri karin Dowlada Somalia ee uu madaxweynaha ka yahay Xassan Shiikh Maxamuud
“Wasiirka arrimaha gudaha ee la magacaabay shaqo kuma lihin, ganacsatadda iyo qofkii la xariira dowlada Federaalka waa dambiile” ayuu yiri Gudoomiyaha gobolka Nugaal.
Sidoo kale, Guddoomiyaha ayaa mamnuucay in magaalada Garowe lagu qabto shirar lagu taageerayo dowlada Somalia
“Cid Alla ciddii la xiriirta ama shirar lagu taageerayo DFS & Wasiirada la magacaabay ku qabata Hotelada Garowe, Dowladdu talaabo sharci ah ayay ka qaadaysaa, hantidoodana way la wareegaysaa” ayuu yiro Guddoomiyaha gobolka Nugaal
Talaabadan ayaa ku soo beegmaysa xili Wasiir Cali Xoosh oo ka soo jeeda Puntland uu qorshaynayo berrito in Xaflad lagu taageerayo isaga lagu qabto Garoowe, waxaana arrintaas laga cabsi qabaa iney xiisad cusub ka dhaliso Pun tland
Wasiirka cusub ee loo magacaabay arimaha Gudaha Soomaaliya Wasiir Cali Yusuf Xoosh ayaa ah siyaasi si weyn uga soo horjeeda hab maamulka Madaxweyne Saciid C/llaahi Deni.
HOOS KA DAAWO HADALKA GUDOOMIYAHA NUGAAL
