Madaxweynaha dalka Iiran Hassan Rouhani ayaa markii ugu horeesay ka hadlay dilka saraakiil katirsa dowlada Sacuudiga magaalada Istanbuul ugu geesteen Wariye Jamal Khashoggi.
Hassan Rouhani ayaa eedeynta dilka Wariyaha mucaaradka ku ahaa Boqortooyada Sacuudiga ku eedeeyay dowlada Madaxweyne Donald Trump oo xiriir dhaw la leh Boqortooyada Sacuudiga.
Waxa uu sheegay Madaxweynaha Iiraan in Boqortooyada Sacuudiga aysan awood u yeelan lahayn dilka Wariye Jamal Khashogii , haddii aysan taageero buuxda ka heysanin Mareykanka.
”Uma maleynayo in Sacuudigu uu ku dhiirran karo dambi sidaas u weyn haddii aysan difaaceynin Mareykanka” ayuu yiri Madaxweynaha Iiran oo ka hadlay dilka Wariye Jamal Khashoggi.
Dowlada Iiraan ayaa loolan adag oo dhinaca bariga dhaxe kula jirta Sacuudiga, sidoo kale Iiraan iyo Mareykanka ayaa xiriirkoodu yahay mid aad u xun kadib markii Iiraan mar kale Mareykanka kusoo rogeen cunaqabateyn.
Xafiiska Shabakada Allbanaadir.com
Muqdisho Somalia
Allbanaadir@live.com
